Wednesday, April 23, 2008

عودة





فوجئت إن حوالي 9 شهور مروا من آخر مرة كتبت علي البلوج . مش مصدقة لحد دلوقتي!


بدأت الفترة دي بإن الكمبيوتر باظ حوالي شهرين كانوا كافيين إني تقريباً أنسي طقوسي الخاصة بيه اللي هي طبعاً تشمل متابعة البلوج من وقت للتاني. بعد كده اتشغلت جامد في المذاكرة و إمتحانات البكالوريوس اللي الكمبيوتر اتصلح في وسطها فطبعاً ما كانش في مجال كبير لإستخدامه. خلصت الإمتحانات و لم يعد الكمبيوتر شئ أساسي زي زمان . و رغم إن كانت بتيجي في بالي أفكار كتير أكتب عنها إلا إنِي كل مرة كنت أقول لأ هاستني أرجع للبلوج بحاجة أقوي من كده ؛ و دي النتيجة!!



المهم إني إن شاء الله راجعة أكتب علي البلوج تاني , فبأكتب أي حاجة.