Thursday, February 08, 2007

أي كلام 1

  • ليه و أنا مش في إيدي قلم ألف فكرة و فكرة بتتزاحم جوه دماغي, و أول ما أمسك القلم كلهم يتبخروا؟!

  • عندما تضْطَر لدفع ثمن باهظ من أعصابك مقابل أنْ يدَعوك تصْنع ما هو صواب وِفْق أفكارك – المعقولة جداً – في وضح النهار – لأنه صواب ! – و ليس تحت عباءة الليل تهرباً من تعليقاتهم التي تعكر صفوك ؛ هذا هو الجحيم بعينه!

  • ليه في عز فرحتي دمعة بتخونني و تنزل ؟!

  • أجمل لعبة كنت بستمتع بيها و أنا طفلة لما كان بابا أو ماما يمسكوا إيدي – عشان ما أتوهش كالعادة – و أنا أرفع راسي لفوووووق و أتفرج علي السما و أفضل أتابع سحابة أو نجمة أشوفها هتيجي معايا و لا لأ!

  • لما جدتي خافت علي إيدي اللي بطلعها دايماً من شباك العربية قالت لي إن العسكري بيشوف اللي مطلعين ايديهم و بيقطعهالهم . بقيت بطلع صوابعي بس و أول ما أشوف عسكري قلبي يدق جامد , بس ما كنتش بادخل صوابعي من الشباك و لا هو جه و قطعهم ؛ و جدتي عمرها ما أخدت بالها إني بطلع صوابعي من الشباك!

4 comments:

mmxlyg said...

This is very nice blog. do you konw Mozilla Firefox web browser?I really loved it,I hope you may want to download and try. thank you.

محمود عزت said...

الله !
إستمتعت بجد

محمود عزت said...

helwa gedan
mostafa

Stairway to Paradise said...

أشكرك يا محمود علي ردك , ده البوست هو اللي استمتع بقراءتك له :)


مصطفي, اللي حلو جداً هو مرورك من هنا ..أنا ببعتلك السلام , يا رب يكون بيوصل لك