Tuesday, February 20, 2007

أول ما شوفتك ابتديت أحلم معاك!



ساعات لما بكون عصبية و زعلانة منك من غير سبب واضح , بيكون السبب إني مفتقداك و كنت مستنية إنك تسأل و ما سألتش ؛ و أنا مش قادرة أقول لك كده!



بخاف قوي ربنا يرزقني بأطفال يعملوا فيَ زي ما بعمل في ماما , بس نفسي يحبوني نص ما بحبها .



لأ مش " مو مهم إِوْعِد و إخْلِف , ما أعاتب و أنت تعرف ؛ لو جرحت القلب مرة , عادي خلِي الجرح ينزف " علي رأي الفنانة القديرة نوال الزغبي.



سامحني يا رب لأني لم أستطع أن أتقن صلاتي لك عندما كنت أصلي بمسجد أشبه بالسوق . كان عليَ أن أصب انتباهي علي الدفاع عن رأسي التي خشيت عليها كلما سجدت من ركلات المارة . كان أقرب إلي أن أؤجل كل الصلوات عندما أعود للبيت و لكني لم أفعل ذلك . كنت أذهب إلي المسجد أحمل عبءً فوق صدري و أصلي سريعاً و أخرج أحمد الله أنني لم أمت بالإختناق من الروائح المتنوعة بالداخل (كانت هتبقي موتة سيئة جداً! )- أعتقد انه لا داعي لذكر أنواعها!




إحساس جميل و أنت بتفك السلُوفان من علي كتاب جديد لسه شاريه.




اشتريت كتب كتير و تصفحتها أول يومين و بعدين رتبتهم في المكتبة و كل شوية أروح ألقي نظرة عليهم و أحس إني سعيدة .. كأني بستمتع بملكيتهم شوية قبل ما أبدأ أقراهم بجد.




تخيل لو أن كل منا وُلد مصحوباً بكتالوج يفيد بكيفية التعامل معه بصفة خاصة , و خريطة الدروب التي سوف تؤول لها حياته . ألن تفقد الحياة إذن عنصر الإثارة الذي تحمله لنا بين طيات الصعوبات التي تواجهنا بها –الذي في حد ذاته هو سبب كافي لأن نمضي فيها!


2 comments:

Nour said...

لسه كنت بقول لماما من كام يوم إن أحلى حاجة في الكتب لما الواحد بيقطع البلاستيك اللي عليهم قبل ما يقراهم.. بيحس إنها كتبه بجد!!إ

baby me said...

mdwntk gamila awy w bseta
elgomal el2osyra d mo3bra awy ana b7bha awy